បុគ្គលិក គ្រូបង្រៀនភាសាខ្មែរ(អនុវិទ្យាល័យ និងវិទ្យាល័យ

អង្គការមូលនិធិកុមារកម្ពុជា ត្រូវបានបង្កើតឡើងដោយលោក ស្កុត នីសិន (Scott Neeson) ក្នុងឆ្នាំ ២០០៤ ដើម្បី ផ្តល់នូវការអប់រំដល់កុមារទីទ័លក្រ និងសហគមន៍ក្រីក្រនៅតំបន់ស្ទឹងមានជ័យ។ អង្គការមូលនិធិកុមារកម្ពុជា ជាអង្គការអន្តរជាតិ មួយឈានមុខគេក្នុងការចូលរួមអភិវឌ្ឍសង្គមតាមរយៈការផ្តល់នូវ ការអប់រំ សេវាសុខភាព ការថែទាំ កិច្ចការពារកុមារ និង ទំនាក់ទំនងសហគមន៍ ដែលមានចក្ខុវិស័យក្នុងការបំលាស់ប្រែកុមារ​ដែលងាយ​រងគ្រោះ ឲ្យក្លាយទៅជាអ្នកដឹកនាំនាពេល អនាគត។ បច្ចុប្បន្ននេះ អង្គការមូលនិធិកុមារកម្ពុជា កំពុងផ្តល់សេវា និងយកចិត្តទុកដាក់ដល់សិស្សចំនួនជាង ១៨០០នាក់​និងប្រជាសហគមន៍ជាង១៤០០០គ្រួសារ។​ ដើម្បីគាំទ្រដល់ការរីកចម្រើននេះ អង្គការមូលនិធិកុមារកម្ពុជា ត្រូវការជ្រើសរើស បុគ្គលិក គ្រូបង្រៀនភាសាខ្មែរ(អនុវិទ្យាល័យ និងវិទ្យាល័យ) ដើម្បីបំពេញការងារ ដូចខាងក្រោម៖

១-អំពីតួនាទីសង្ខេបរបស់គ្រូបង្រៀនភាសាខ្មែរ(អនុវិទ្យាល័យ និងវិទ្យាល័យ) ៖

លោកគ្រូ/អ្នកគ្រូ នឹងមានតួនាទីជាអ្នកបង្រៀនផង និងអប់រំផង។លោកគ្រូ/អ្នកគ្រូត្រូវមានសមត្ថភាពលើការដឹកនាំ សិស្សដើម្បីឈានទៅរក លទ្ធផលដែលរំពឹងទុកនៃមុខវិជ្ជា ភាសាខ្មែរ កំណត់ដោយគណៈគ្រប់គ្រងផ្នែកអប់រំ។ ចំពោះការបង្រៀនត្រូវអនុវត្តវិធីសាស្រ្តបង្រៀន ក្នុងសតវត្សទី២១។ ចំពោះការរៀបចំការវាយតម្លៃ ត្រូវអនុវត្តឲ្យបានត្រឹមត្រូវតាមរយៈការវាយតម្លៃជាប្រចាំ និងការវាយតម្លៃតាមកាល កំណត់។ រីឯការអប់រំវិញត្រូវអប់រំសិស្សឲ្យយល់ដឹងច្បាស់លាស់ពីបទបញ្ជាផ្ទៃក្នុងរបស់សាលារៀន វប្បធម៌សាលារៀន ថ្នាក់រៀន និងវិធានការរដ្ឋបាលនានារបស់សាលា។

២-របាយការណ៍៖

ធ្វើរបាយការណ៍ជូន ៖ មន្រ្តីសម្របសម្រួលការសិក្សា

គ្រប់គ្រង ៖ គ្មាន

ទំនាក់ទំនង ៖បុគ្គលិកអប់រំទាំងអស់ សិស្ស អាណាព្យាបាលសិស្ស និងអ្នកពាក់ព័ន្ធ

៣-អំពីការទទួលខុសត្រូវសំខាន់ៗ៖

អង្គការមូលនិធិកុមារកម្ពុជា គឺជាអង្គការមួយផ្តោតលើគុណតម្លៃ ដែលត្រូវបានរំពឹងថានឹងផ្តល់នូវ ភាពជាអ្នកដឹកនាំ សេចក្តីសុចរិត ការទទួលខុសត្រូវ តម្លាភាព និងគណនេយ្យភាព និងជាកន្លែងដែលបុគ្គលិកទទួលខុសត្រូវសម្រាប់ការបង្ហាញនូវតម្លៃទាំងនេះតាមរយៈ អាកប្បកិរិយាក្នុងការបំពេញការងារ។

• ត្រូវធានាថាថ្នាក់រៀន ​​​និងសិស្ស មានសណ្តាប់ធ្នាប់ល្អ បរិយាកាសល្អ និងអនាម័យស្អាត
• សម្ភារៈនៃការបង្រៀនគ្រប់គ្រាន់ដើម្បីធានាឲ្យការបង្រៀន និងរៀន ដំណើរការដោយរលូន និងមានប្រសិទ្ធិភាព
• អនុវត្តបទបញ្ជាផ្ទៃក្នុងរបស់សាលារៀន វប្បធម៌សាលារៀន/ថ្នាក់រៀន និងវិធានការរដ្ឋបាលរបស់សាលាផ្សេងៗទៀតឲ្យខ្ជាប់ខ្ជួន
• ការអនុវត្តវិធីសាស្រ្តបង្រៀនបែបចំរុះ ដូចជាដោយបង្រៀនផ្ទាល់ និងតាមប្រព័ន្ធអនឡាញដូចជាកម្មវិធី Chrome, Messenger, Telegram។ល។
• រៀបចំកម្មវិធីសិក្សា កិច្ចតែងការបង្រៀន និងមេរៀន ដែលបញ្ជាក់ពីគោលបំណងមេរៀនឲ្យបានច្បាស់លាស់ និងការធ្វើតេស្តប្រចាំខែ ត្រីមាស ឆមាស។ល។
• តាមដានដំណើរការសិក្សារបស់សិស្ស​ និងធ្វើផែនការដើម្បីជួយសិស្សដែលមានការសិក្សាយឺត ឬខ្សោយដោយមានកំណត់ត្រាច្បាស់លាស់
• ស្រង់វត្តមានសិស្ស ធ្វើកំណត់ត្រាការធ្វើតេសវាយតម្លៃប្រចាំខែ/ឆមាស និងលទ្ធផលវឌ្ឍនភាពរបស់សិស្ស
• លើកកម្ពស់ស្មារតីសិក្សារបស់សិស្ស អាកប្បកិរិយា និងចរិតលក្ខណៈល្អរបស់សិស្ស
• រាយការណ៍ទៅអ្នកគ្រប់គ្រងភ្លាមៗ ប្រសិនបើមានសិស្សណាម្នាក់មានអាកប្បកិរិយាមិនល្អ ឬបង្ករបញ្ហានៅក្នុងថ្នាក់
• អនុវត្តការងារផ្សេងៗទៀត​ ដែលផ្តល់ដោយ នាយកសាលា/គណៈគ្រប់គ្រងផ្នែកអប់រំ។

• លក្ខខណ្ឌនៃការជ្រើសរើស៖

គណៈកម្មការជ្រើសរើសនឹងត្រូវឲ្យប្រាកដថា បេក្ខជនដែលត្រូវបានជ្រើសរើស យល់ពីតម្លៃរបស់អង្គការមូលនិធិកុមារកម្ពុជា និងបង្ហាញពីឥរិយាបទនៃការធ្វើការងាររបស់ខ្លួនបានយ៉ាងល្អប្រសើរ។ បន្ថែមលើនេះទៀត បេក្ខជននិងត្រូវបង្ហាញនូវជំនាញដែលចាំបាច់ សម្រាប់តួនាទីដូចខាងក្រោម៖

• មានបទពិសោធន៍យ៉ាងតិច១ឆ្នាំ ជាគ្រូបង្រៀន ភាសាខ្មែរ (កម្រិតមធ្យមសិក្សារបស់ក្រសួងអប់រំយុវជន និងកីឡាកាន់តែ ប្រសើរ)
• បញ្ចប់ថ្នាក់បរិញ្ញបត្រ លើមុខជំនាញឯកទេស អក្សរសាស្រ្តខ្មែរ
• មានសញ្ញាបត្រគរុកោសល្យលើមុខជំនាញឯកទេស អក្សរសាស្រ្តខ្មែរ កាន់តែប្រសើរ
• មានការយល់ដឹងពីក្រមសីលធម៌វិជ្ជាជីវៈគ្រូបង្រៀន និងមានការយល់ដឹងពីច្បាប់ផ្នែកអប់រំ
• អាចទំនាក់ទំនងជាភាសាអង់គ្លេសបានខ្លះ កាន់តែប្រសើរ
• មានជំនាញក្នុងការប្រើប្រាស់បច្ចេកវិទ្យាកុំព្យូទ័របាន(កម្មវិធីប្រើប្រាស់ក្នុងការិយាល័យ និងកម្មវិធីផ្សេងៗទៀត)
• មានឆន្ទៈក្នុងការរៀនសូត្រចំណេះដឹងថ្មីៗបន្ថែម ជាពិសេសចូលរួមក្នុងការអនុវត្តន៍ជាក់ស្តែងក្នុងគម្រោងSTEM
• ទទួលយកមតិស្ថាបនា និងបង្កើតទំនាក់ទំនងល្អជាមួយបុគ្គលិក និងមានការគោរពចំពោះគ្នាទៅវិញទៅមក
• មានភាពឆ្លាតវៃ និងមានការប្តេជ្ញាចិត្តខ្ពស់ក្នុងការបំពេញការងារ
• មានភាពស្មោះត្រង់ និងអាចផ្តល់សេចក្តីទុកចិត្តបាន រហ័សរហួន និងមានការសហការបានល្អជាមួយក្រុមការងារ
• មានគំនិតឆ្នៃប្រឌិត និងវិជ្ជាជីវៈដែលបង្ហាញពីគុណតំលៃរបស់អង្គការមូលនិធិកុមារកម្ពុជាក្នុងការងារជារៀងរាល់ថ្ងៃ។

• បៀវត្សនិងអត្ថប្រយោជន៍៖

អង្គការមូលនិធិកុមារកម្ពុជានឹងផ្តល់ជូននូវបរិយាកាសការងារ​ដ៏ល្អប្រសើរ និងបៀរត្សដែលប្រកួតប្រជែង រួមជាមួយអត្ថប្រយោជន៍ ជាច្រើន​ផ្សេងៗទៀតផ្អែកលើបទពិសោធន៍ និងសមត្ថភាពរបស់បេក្ខជន ព្រមទាំងទទួលបានការបណ្តុះបណ្តាលបន្ថែមអំពីបច្ចេកទេស បង្រៀននៅវិទ្យាស្ថានជាតិអប់រំ(NIE) ថ្នាក់បំប៉នភាសាអង់គ្លេស និងការអនុវត្តវិទ្យាសាស្ត្រ លំដាប់ជាតិនិងអន្តរជាតិ។

• ​ ការដាក់ពាក្យ៖

បេក្ខជន ឬបេក្ខនារីដែលមានចំណាប់អារម្មណ៍ សូមបំពេញពាក្យស្នើសុំ និងភ្ជាប់មកជាមួយនូវប្រវត្តិរូបសង្ខេប និងឯកសារ ពាក់ព័ន្ធមកការិយាល័យអង្គការមូលនិធិកុមារកម្ពុជា ដែលមានអាសយដ្ឋាន ផ្ទះលេខ២២២ ផ្លូវ ៦បេតេ សង្កាត់បឹងទំពុន ខណ្ឌមានជ័យ រាជធានីភ្នំពេញ រៀងរាល់ម៉ោងធ្វើការ ឬ តាមរយៈអ៊ីម៉ែល [email protected]​។ សម្រាប់ព័តមាន លំអិតសូមធ្វើការទំនាក់ទំនង តាមរយៈទូរស័ព្ទលេខ ០២៣ ៩៩០ ៩៩៤​ ឬចូលមើល តាមរយះគេហទំព័រ https://www.cambodianchildrens fund.org/jobs-at-ccf/។ ថ្ងៃឈប់ទទួលពាក្យនៅថ្ងៃទី២៥ ខែកក្កដា ឆ្នាំ ២០២៦។។

មានតែបេក្ខជនដែលជាប់ក្នុងបញ្ជីសម្រាំងប៉ុណ្ណោះនឹងត្រូវបានអញ្ជើញឱ្យមកសម្ភាសន៍